ميكانيكا سيارات
طرق عمل المحرك ثنائى الأشواط و رباعى الأشواط
طرق عمل المحرك ثنائى الأشواط و رباعى الأشواط :
المحاضرة اللى فاتت اتكلمنا عن المحرك بشكل عام و عن تاريخ صناعته وعن صناعة المركبة (السيارة) بشكل عام ، فى
المحاضرة دى إن شاء الله هنشرح طريقة دوران المحرك وتشغيله ، بس قبل مانبدا حابب اوضح شوية مصطلحات مهمة خاصة
بالمحرك عشان نفهم كيفية تشغيل المحرك و دورانه...يلا بينا نبدأ
أول حاجة لازم نعرفها إن عندنا نوعين من المحركات :
1- محرك إحتراق داخلى ثنائى الأشواط ( Two - Stroke Engine ) .2- محرك إحتراق داخلى رباعى الأشواط ( Four - Stroke Engine ) .
يعنى شوط اساساً ؟!!..( الأشواط)
- الشوط ( Stroke ) : هى المسافة ( مشوار المكبس ) التى يقطعها المكبس ( Piston ) بين النقطة الميتة العليا ( T.D.C ) و النقطة الميتة السفلى ( B.D.C ) داخل الأسطوانة .
- النقطة الميتة العليا - ن.م.ع ( Top Dead Center - T.D.C ) : وهى النقطة اللى بيكون فيها المكبس فى أعلى موضع داخل الإسطوانة وبيكون قريب جدا من رأس الاسطوانة ( Cylinder Head ) .
- النقطة الميتة السفلى - ن.م.ع ( Top Dead Center - T.D.C ) : وهى النقطة اللى بيكون فيها المكبس ف اسفل موضع داخل الإسطوانة .
- غرفة الإحتراق ( حيز الخلوص - حيز الإنضغاط ) ( Compression Volume ) : وهى المساحة المحصورة بين رأس الإسطوانة و بين المكبس عند النقطة الميتة العليا .
- حجم الإزاحة ( حجم الشوط ) ( Piston Displacement ) : هو الحجم اللى بيشغله المكبس أثناء صعوده و نزوله بين النقطة الميتة العليا و النقطة الميتة السفلى .
 |
| رسم توضيحى لمصطلحات المحرك |
تعالو بسرعة نعرف محرك ثنائى الأشواط دا بيشتغل إزاى و بعد كده نتلكم اكتر عن محرك رباعى الأشواط......
- المحركات ثنائية الأشواط هى نموذج من المحركات اللى بتستخدم فى حالة الحاجة لقدرة عالية مع وزن خفيف و بنستخدمه فى الدراجات النارية و المنشار الألى و الماكينات الصغيرة .. و الدورة فيه بيتم من خلال شوطين
1- الشوط الأول : وهو شوط بيجمع بين شوط السحب و شوط الإنضغاط ،بحيث يتم دخول الخليط ( الهواء والوقود ) إلى غرفة الإحتراق من خلال فتحة بجانب الإسطوانة و يتم ضغط الشحنة أو الخليط بفعل المكبس .
2- الشوط الثانى : وهو شوط بيجمع بين شوط القدرة و شوط العادم ، بحيث يتم دفع المكبس لأسفل و دا ناتج عن انفجار الخليط ، فيخرج العادم من خلال فتحة مخصصة بجانب الإسطوانة .
ودا بإختصار طريقة عمل محركات ثنائية الأشواط ، ندخل دلوقتى على طريقة عمل محركات رباعية الأشواط واللي هى معروفة
وشائعة الاستخدام دايماا ( Four-Stroke Engine ) ..
2- الشوط الثانى : وهو شوط بيجمع بين شوط القدرة و شوط العادم ، بحيث يتم دفع المكبس لأسفل و دا ناتج عن انفجار الخليط ، فيخرج العادم من خلال فتحة مخصصة بجانب الإسطوانة .
 |
| نموذج لمحرك ثنائى الأشواط |
ودا بإختصار طريقة عمل محركات ثنائية الأشواط ، ندخل دلوقتى على طريقة عمل محركات رباعية الأشواط واللي هى معروفة
وشائعة الاستخدام دايماا ( Four-Stroke Engine ) ..
- طريقة عمل المحركات رباعية الأشواط :
دورة المحرك الرباعى الأشواط بيتم من خلال دورتين لعمود المرفق ( Crank Shaft ) ، وبتتكون كل دورة من أربع أشواط مختلفة ( السحب - الإنضغاط - القدرة - العادم ) .
1- شوط السحب ( Suction-Stroke ) : وهو الشوط اللي بيتم فيه دخول الخليط ( الهواء-الوقود) و دا بيتم إزاى ؟!. بيتم لما يتحرك المكبس من النقطة الميتة العليا إلى النقطة الميتة السفلى ، فيحدث فرق فى الضغط داخل إسطوانة المحرك فيدخل الهواء عن طريق صمام السحب ويتم حقن الوقود من خلال رشاشات( Injectors )و فى هذا الشوط يكون صمام السحب مفتوح و صمام العادم مغلق .
 |
| شــــــــــوط الســــــــــحــب |
2- شوط الإنضغاط ( Compression-Stroke ) : و هو الشوط اللى بيتم فيه ضغط الشحنة ( الخليط ) ، وبيبدأ عندما يتحرك المكبس من النقطة الميتة السفلى الى النقطة الميتة العليا ، وفى هذا الشوط يكون صمام السحب و صمام العادم مغلقان .
 |
| شـــــــــــوط الإنضـــــــغاط |
3- شوط القدرة ( Power-Stroke ) : و هو الشوط اللى بيتم فيه إعطاء القدرة للمحرك .. إزاى؟!!..فى بداية الشوط بيتم إشعال الشحنة أو إحتراق الخليط فى وقت اغلاق كلامن الصمامين ( السحب - العادم ) ، وبينتج عن الإحتراق ارتفاع شديد ف الضغط الناشئ على سطح المكبس فبيتحرك من النقطة الميتة العليا الى النقطة الميتة السفلى .
 |
| شــــــــوط القـــــدرة |
4- شوط العادم ( Exhaust-Stroke ) : و هو الشوط اللى بيتم فيه خروج العادم ( نواتج الإحتراق ) من الإسطوانة ، عندما يكون يتحرك المكبس من النقطة الميتة السفلى اى النقطة الميتة العليا و فى هذا الشوط يكون صمام العادم مفتوح و صمام السحب مغلق .
 |
| شــــــــــوط العـــــــــادم |
وبكده نكون عرفنا إزاى بتم الدورة داخل إسطوانة المحرك ، وعرفنا بردو الفرق بين المحرك ثنائى الأشواط و المحرك رباعى الشواط ، وفى النهاية تعالو نعمل مقارنة سريعة كده بين المحركين نلخص فيه كل اللى فات دا...
وجة
الإختلاف
|
محرك
رباعى الأشواط
( Four-stroke Engine ) |
محرك
ثنائى الأشواط
(Two-stroke Engine ) |
الدورات
|
تتم الأشواط خلال
دورتين لعمود المرفق ( الكرنك )
|
تتم الأشواط خلال دورة
واحدة لعمود المرفق
|
الوزن
|
اثقل بالمقارنة مع
المحرك ثنائى الأشواط بسبب استخدام حدافة بوزن اكبر
|
أقل ف الوزن بسبب
استخدام حدافة بوزن أقل
|
العزم
|
يعطى عزم اقل من
المحرك ثنائى الشواط
|
يعطى عزم أعلى
|
الصمامات
|
به صمامات ( صمام
السحب – صمام العادم )
|
به فتحتان بجانب
الإسطوانة لدخول الشحنة و خروج العادم
|
دورة التزييت
|
به نظام تزييت خاص ،
بحيث يستخدم كمية زيت اقل
|
يضاف الزيت مع الوقود
ن بحيث يتستخدم كمية زيت أكبر لإحتراق الويت مع الوقود
|
العادم
|
يعطى عوادم اقل ( أقل
تلوث )
|
يعطى عوادم بشكل أكبر
( اعلى تلوث )
|
الكفاءة
الحرارية
|
أكثر
|
أقل
|
الضوضاء
|
أقل
|
أكثر
|
الإستخدامات
|
السيارات و الشاحنات
|
الدراجات النارية و
المناشير
|
العمر
الإفتراضى
|
أعلى
|
أكثر
|
تكلفة الصنع
|
أعلى
|
اقل
|
وبكدا نكون غطينا مع بعض موضوع المحرك و بيشتغل إزاى و الفرق بين المحركين ( الثنائى و الرباعى ) الأشواط..ولو استفادت حاول تفيد غيرك و إعمل شير للمقال وشكـــــــــــــــــراً....
ليست هناك تعليقات:
إرسال تعليق