ميكانيكا سيارات
تاريخ المركبات واختراع المحرك Vehicles And Engines
نبذة مختصرة عن تاريخ صناعة المركبة أو المحرك بشكل عام ( ازاى اخترعنا العربية ).
- فى سنة 1768 م :- قام العالم الإسكتلندى ( جيمس واط ) بصناعة أول آلة بخارية .
- فى سنة 1860 م :- قام العالم الفرنسى ( لينوار ) بإختراع أول محرك إختراق داخلى .
- فى سنة 1867 م :- قام المخترع ( نيكولاس أوتو ) بإختراع أول محرك إحتراق داخلى رباعى الأشواط .
- فى سنة 1882 م :- بدأ كلا من ( كوتليب ديملر و مايباخ ) ف صناعة أول محرك يعمل بالبنزين .
- فى سنة 1885 م :- صنع ( كارل بنز ) أول سيارة ف العالم .
- فى سنة 1886 م :- صنع ( كوتليب ديملر ) أول سيارة بأربع عجلات .
- فى سنة 1893 م :- صنع ( رودلف ديزل ) حرك ذو إشعال ذاتى و سمى هذا المحرك ب (ديزل) .
- فى سنة 1896 م :- قام ( هنرى فورد ) بصناعة أول سيارة ( Ford Quadricycle ).
 |
| Ford Quadricycle |
- فى سنة 1900 م :- تم تطوير المركبات لكى تشمل :- 1- قوة بخارية بنسبة 40%. 2- طاقة كهربية بنسبة 38%. 3- وقود نسبة 22%.
- فى سنة 1902 م :- تم تطوير و انتاج شكل المركبات الحالى .
- فى سنة 1908 م :- صمم العالم ( ويليام دورانت ) الشكل العام والحالى للمحرك .
- فى سنة 1912 م :- تم إختراع أول بادئ حركة كهربى ( Electrical Starter ) بواسطة العالم تشارليز كيترينج ، وتم إستخدامه فى سيارات Cadillac .
- فى سنة 1914 م :- تم صناعة أول سيارة بهيكل معدنى 100% من خلال شركة Dodge .
- فى سنة 1922 م :- تم صناعة أول مركبة تعمل بنظام الفرامل الهيروليكية ( Hydraulic Brakes System ) .
- فى سنة 1940 م :- تم إختراع أول ناقل حركة أوتوماتيكي ( Automatic Transmission ) .
- فى سنة 1973 م :- تم إضافة خاصية الوسادة الهوائية ( Airbags ) كوسيلة من وسائل الأمان و الحماية للسائق عن طريق شركة جينيرال موتورز ( GM Motors ) .
- فى سنة 1985 م :- قدمت شركة ( Lincoln ) نظام ( Anti-Lock Braking System ) و المعروف ب ( ABS ) .
- فى سنة 1997 م :- تم تقديم أول سيارة تعمل بنظام استقرار الكترونى ( Electronic Stability ) من خلال شركة Cadillac .
ودى كانت نبذه عن تطور المحرك و المركبة خلال الفترة اللى فاتت و لسه التطوير فى السيارات و المحركات مستمر و كل يوم ف جديد.
طب عايزين نعرف المركبة أو العربية عبارة عن إييه ؟!.. ( أو بمعنى تانى ) بتتكون من إييه ؟!
المركبة بتتكون من عدة انظمة أساسية و التى تتكون منها أى عربية و فى بردو أنظمة تاني حديثة بتسهل اكتر استخدام المركبة أو العربية على السواق أثناء القيادة ، بس الأول تعالو نعرف الأنظمة الأساسية و هى :-
1- نظام التشغيل ( Operating Sys ) .
2- نظام التعليق ( Suspension Sys ) .
3- نظام الفرملة ( Braking Sys ) .
4- نظام التوجية ( ٍSteering Sys ) .
5- نظام نقل الحركة ( Transmission Sys ) .
6- نظام الكهربائى للسيارة ( Electrical Sys ) .
7- نظام ديناميكا الهواء للسيارة ( Aerodynamic Sys ).
و هنتكلم عن كل نظام بالتفصيل و وظيفته فى السيارة فى المحاضرات الجاية أن شاء الله ......بس يلا بينا نعرف إيه هو المحرك و إيه أنواعه ؟!..
المحرك ( Engine ) :- هو عبارة عن آله بتحول صور الطاقة المختلفة ( طاقة كهربية - طاقة كيميائية - طاقة حرارية - ... إلخ ) إلى طاقة ميكانيكية (حركية ) . وطبعا من تعريفه أكيد عرفنا وظيفته ، طبعا بنستخدمه فى السيارات و الباخرات و السفن و القطارات ...و بيتم تصنيف المحركات من خلال :-
1- محركات إحتراق خارجى ( External Combustion Engine ) :- و هى محركات بيتم فيها الإحتراق خارج إسطوانة زى الالة البخارية اللى إخترعها ( جيمس واط ) ، واللى بيتولد فيها بخار الماء عن طريق حرق الوقود ( الخشب و هو نوع من انواع الوقود الصلب ) الموجود ف فرن المرجل ، فيقوم بخار الماء بتحريك المكبس ( Piston ) أو الجزء المسؤل عن الحركة الميكانيكة زى ماهو واضح كده فى الصورة .....
 | |
|
2- محركات إحتراق داخلى ( Internal Combustion Engine ) :- و هى محركات بيتم الاحتراق فيها داخل الإسطوانة ، بحيث يتم خلط الوقود بالهواء فيحدث الإنفجار اللى بيسبب دفع أو حركة المكبس لأعلى وأسفل على حسب شكل المحرك من حيث ترتيب الاسطوانات و دا اللى هنتكلم عنه النهاردة ...........
 | |
|
يتم تقسيم محركات الإحتراق الداخلى عن طريق ترتيب الإسطوانات :-
1- محركات مستقيمة ( Inline Engine ) وبتكون فيها الإسطوانات ع خط واحد أو ف صف واحد .
 |
| بعض أنواع المحركات المستقيمة |
2-محركات متقابلة الإسطوانات ( Opposed Cylinder Engine ) و بتكون الاسطوانات فيه متقابلة مع بعضها وش ف وش زى ماهوا فى الصورة كدا.
3- محركات ( V-Engine ) وبتكون الإسطوانات على شكل حرف V .
 |
| محرك على شكل حرف V |
وبيتكون المحرك ( Engine ) من أجزاء ثابتة و أجزاء متحركة :-
أولاً:- الأجزاء الثابتة : و هى تشمل الجزء العلوى اللى هو رأس الإسطوانات ( Cylinder Head ) و والجزء الأوسط اللى هو كتلة الإسطوانات ( Cylinder Block ) و الجزء الأخير (السفلى) اللى مبيت عمود المرفق (الكرنك) و اسمها ( Crank Case ) .
ثانياً :- الأجزاء المتحركة : وهى الاجزاء المسئولة عن نقل الطاقة الحرارية الناتجة من الإحتراق و تحويلها إلى طاقة حركية (ميكانيكية) داخل المحرك و بتشمل المكبس (Piston) - ذراع التوصيل (Connecting Rod) - عمود المرفق (Crank Shaft) ودا رسم توضيحي لأجزاء المحرك بالكامل .
 |
| رسم تفصيلى لأجزاء محرك الإحتراق الداخلى |
وعشان نشغل المحرك بتاعنا يلزم ليه منظومة خدمة و تشغيل ، واحنا عندنا 3 منظومات (دورات) أساسية مهمين عشان يبدأ المحرك بالتشغيل .. إيييه هماا؟!!!.
1- دورة الوقود ( Fuel System ) .
2- دورة التبريد ( Cooling Sys ) .
3- دورة التزييت ( Lubricating Sys ) .
و هنتكلم عن كل دورة فيهم بالتفصيل و ايه اهميتها للمحرك و بتتكون من اييه ؟! وهنتكلم بردو عن آلية تشغيل المحرك و ازاى بيتم الإحتراق اللى من خلالة بيتم دوران المحرك فى المحاضرات الجاية إن شاء الله ..
ليست هناك تعليقات:
إرسال تعليق